前「惠比壽麝香葡萄」轉型網紅 日本美人「Rirey」

肥佬

前「惠比壽麝香葡萄」轉型網紅 日本美人「Rirey」

香港人返工為咗咩？放假；咁放假為咗咩？去旅行；咁點解你唔可以好似呢個「Rirey」咁去旅行去到返工咁？因為冇錢。係啦，個問題就係，咁呢個「Rirey」啲錢點黎架呢？

Rirey大概於2011年出道，有拍過劇、有做過Model、仲曾經以「利麗」之名加入過「惠比壽麝香葡萄」——但冇，佢冇拍過你諗緊嗰啲片。2017年退團之後，Rirey就將藝名改成「濱野りれ」，幕前演出亦變得非常少，全力經營自己嘅Instagram，不停去旅行、著比堅尼影靚相、食好西、住靚酒店、買名牌，過住啲錢唔知喺邊到黎嘅日子，吸引到超過45萬Followers。

但由於佢生活嘅富貴程度同佢嘅工作量有極明顯落差，連日本網民都好奇怪佢究竟係靠咩搵食。有網民就話當年佢離開日本經理人公司，據說係為咗加盟一間中國公司，但IG上又見唔到佢喺中國有嘢做，所以推測所謂「中國經理人公司」只係一個煙幕。咁實際上佢嘅工作係咩？一定唔係啲我哋會睇到嘅嘢囉。