鲤鱼与美女 「鱼水之欢」月历

論壇管理員

鲤鱼与美女 「鱼水之欢」月历

《西厢记》中用「鱼水之欢」黎形容男女之间嘅「亲密」关系，相传出自《诗经》，「鱼水」比喻夫妇之间嘅依托，「之欢」就没咩好解啦下话？但实际上大家「之欢」时，通常都好少可会真系涉及有「鱼」嘅存在——除非你嘅喜好同呢个「鲤鱼与美女」一样咁特别啦！

呢个「Carponizer月历」系一本同名德国钓鲤鱼(Carps)杂志出嘅，今年已经系第二年发售，佢最大嘅卖点就系12页月历中都有唔同嘅裸体美女——但佢最奇怪嘅卖点亦系呢到，因为呢啲美女全部都抱住条鲤鱼出镜。Carponizer负责人Henrik Pöhler喺接受《Maxim》访问时指，推出呢个奇怪月历嘅原因系想将(钓)鲤鱼同裸女呢两样男人喜爱嘅东西放埋一齐。佢仲话唔好以为只系一个靓女抱住条鱼咁简单，因为要钓到咁大条鱼本身就有难度，而要影到咁靓就更加难喎！唔知你又对佢嘅杰作有咩感想呢？

如果你都认同呢种「鱼水之欢」，就可以去Amazon用18.95美女(约150HKD)买呢个月历返屋企。没咩事我返出去洗手先——唔系，我没单手打字，只系我见到啲鱼就突然觉得自己个人好「潺」啫。carponizer on Instagram